A
A 'la Madona del Rosario el pitaro de passajo. (6/10)
A 'la Madona i pitari ne sbandona.
A 'la Madona le quaie ne sbandona.
A 'la prima Madona le se smorza, a 'la seconda le se inpiza. (15/8 - 8/9)
A 'la Salute se veste le bele pute. (21/11)
A 'sto mondo bisogna adatarese, inrabiarse o desperarse.
A 'sto mondo ghe xe chi che la ghe piase cota e chi che la ghe piase crua.
A barca rota no ghe serve sèssola.
A caminare a stravento se fa senpre fadiga.
A canbiare munaro se canbia ladro.
A chi carne de testa e a chi de colo.
A chi che ga denaro forte, quando l'è vecio se augura la morte.
A chi che no ghe piase el vin , che Dio ghe toga anca l'aqua.
A chi che no vole far fadighe, el teren ghe produse ortighe.
A chi nasse scarognà ghe piove sol culo stando sentà.
A dieta el mal se chieta.
A dire busie ghe vole bona memoria.
A dire la verità ghe vole on cojon, a dire busie ghe vole on bricon.
A far credenza se perde l'aventore.
A far la carità no se va in miseria.
A fare a modo soo se scanpa dies'ani de pì.
Ai can magri ghe va drio le mosche.
A Jenaro tuti i veci va a ponaro.
A l'amo se ciapa el pesse, i òmani a l'intaresse.
A l'astuzia del munaro no gh'è mai nissun riparo.
A l'Ave Maria ogni òpara xe conpia.
A l'Imacolata se scumizia l'invernata.
A l'istà piove a contrà.
A l'osèlo ingordo ghe crepa el gosso.
A l'ostaria no vago, ma co ghe so' ghe stago.
A la botega, vaghe; a la canpagna, staghe.
A la luna de Setenbre la ua e el figo pende.
A la vizilia de San Joani piove tuti i ani. (24/6)
A le prime aque de Agosto la tortora la va via.
A lavare la testa del moltom se consuma l'aqua e anca el saon.
A magnare el zervelo del pesse se deventa intelijente.
A magnare on spigo de ajo, se spuza come a magnarghene na resta.
A Marzo ogni mato va descalzo.
A Messa, tuti no pole stare tacà al prete.
A morire e a pagare se fa senpre tenpo.
A ogni culo el so cagare.
A ogni uno ghe piase la so spuzeta.
A on belo senpre ghe manca, a on bruto senpre ghe vanza.
A parlare se fa presto: pì difìzile xe el resto.
A pensar mal se fa pecà, ma se indovina senpre.
A poca oja no manca scuse.
A quatro a quatro se inpinisse el saco.
A quel che vien da sora no ghe xe riparo.
A robare poco se va in galera, a robare tanto se fa cariera.
A San Baldoin se fa el vin.
A San Bassan on fredo da can. (19/1)
A San Belin el jazo sol caìn. (12/10)
A San Benedeto la vegna su par el paleto.
A San Benedìo le ròndene torna indrio. (21/3)
A San Bernardin fiorisse el lin. (20/5)
A San Bonaventura el medare l'è finio in pianura. (15/7)
A San Bovo se ronpe el primo ovo. (2/1)
A San Clemente l'inverno mete el dente. (23/11)
A San Crispin se pesta el vin. (25/10)
A San Donato el fredo l'è fato. (7/8)
A San Firmin, sòmena el contadin. (11/10)
A San Francesco i tordi i va de furia. (4/10)
A San Gioachin el primo freschin. (20/8)
A San Gorgon passa la lòdola e 'l lodolon. (9/9)
A San Gorgon xe finio el tenpo bon.
A San Luca el ton el va in zuca. (18/10)
A San Luca le lòdole se speluca. (18/10)
A San Martin casca le foje e se beve el bon vin.
A San Martin el mosto deventa vin.
A San Martin se calza el grande e anca el picenin. (11/11)
A San Martin se spina el bon vin.
A San Martin, castagne e vin.
A San Matìo el bel tenpo xe finio. (21/9)
A San Matìo el primo tordo xe mio.
A San Modesto el fredo vien col zesto. (12/1)
A San Nicòlo tira la neve sol colo. (6/12)
A San Pelegrin, poca paja e poco vin. (5/5)
A San Roco le nose le va in scroco. (16/8)
A San Roco le quaie le va de troto.
A San Roco le ròndene fà fagoto.
A San Saturnin la neve sol camin. (28/11)
A San Simon le lòdole a valon. (28/10)
A San Simon se cava la rava e 'l ravanon. (28/10)
A San Tizian on fredo can. (16/1)
A San Valentin el giazo no tien gnanca pì on gardelin. (14/2)
A San Vio le zarese le ga el marìo.
A San Zen, somenza in sen. (12/4)
A Sant'Agnese el fredo passa le sfese. (21/1)
A Sant'Ana el rondon se slontana. (26/7)
A Sant'Ana le nose va in tana.
A Sant'Andrea el fredo el monta in carega. (30/11)
A Sant'Andrea se veste tuta la fameja.
A Sant'Antonio (Abate) on passo de demonio. (17/1).
A Sant'Antonio dala barba bianca o piova o neve no la manca.
A Sant'Erman le arte in man. (8/2)
A Sant'Isaco, el formento fora dal saco. (19/10)
A Sant'Ubaldo se fa vanti el caldo. (16/5)
A Sant'Urban el formento el fa el gran.
A Santa 'Fema, se scumizia la vendema. (s.Eufemia, 16/9)
A Santa Catarina el fredo se rafina. (25/11)
A Santa Catarina el jazo so la pissina.
A Santa Catarina la neve se inchina.
A Santa Caterina se tira zo la scaldina. (25 /11)
A Santa Crose, pan e nose. (14/9)
A Santa Fiorenza xe oncora bona la somenza. (27/10)
A Santa Liberata freda l'invernata. (18/1)
A Santa Lucia la note pì longa che ghe sia. (13/12).
A Santa Madalena la nosa xe piena. (22/7)
A Santa Madalena piove apena.
A Santa Madalena se taja l'avena.
A Santa Pologna la tera perde la rogna. (9/2)
A Santa Toscana el riso el va in cana. (14/7)
A Santa Toscana i rondoni se slontana. (14/7)
A sentarse so do careghe el culo se sbrega.
A sete ani i xe putei, a setanta oncora quei.
A Setenbre se destaca tuto quel che pende.
A Setenbre, braghe de tela e moloni no i xe pì boni.
A Setenbre, chi xe esperto no viaja mai descuerto.
A somenare col vento se perde la somenza.
A tirarse massa indrio se finisse col culo in rio.
A tola e leto no se porta rispeto.
A tola no se vien veci.
A torghene e no metarghene el mucio cala.
A tusi e mati no se comanda.
A vìvare co la testa sol saco xe bon ogni macaco.
A voler ben a 'na bela xe pecà, a 'na bruta xe carità.
Agosto cola el pionbo.
Agosto conpisse, Setenbre madurisse.
Agosto madura, Setenbre vendema.
Agosto rinfresca el bosco.
Ai du passa la nuvola del Perdon. (2/8)
Ai Morti e ai Santi i corvi sbandona i monti e i vien a pascolare ai canpi.
Ai santi veci no se ghe inpiza candele.
Ai ultimi de Setenbre, i fringuei par la tesa.
Al busiaro no se ghe crede gnanca quando che'l dise la verità.
Al cao de là fa la pitona.
Al ciaro de luse ogni stronzo traluse.
Al ciaro de na candela no se stima né dona né tela.
Al dì d'i morti la neve xe ale porte. (2/11)
Al mese de Jenaro la gata va in gataro.
Al primo de Agosto l'ànara se mote a 'rosto.
Al son de la canpana (schei) ogni dona se fa putana.
Al vento e ale done no se comanda.
Ala de capon, culo de castron e tete de massara xe na roba rara.
Ala dona no se dise né bruta, né vecia.
Ala Madona de Agosto rinfresca el bosco. (15/8).
Ala prima aqua de Agosto, pitoco te conosso.
Ala sera tuti buò, ala matina tute vache.
Ala vizilia de San Piero vien fora so mare. (29/6)
Alba rossa, o vento i joza.
Ale done, ai sassi e ai bissi, colpi ciari e fissi.
Ale làgreme de on erede xe mato chi che ghe crede.
Amare e no éssare amà, xe come forbirse el culo senza vere cagà.
Amarse, ma no buzararse.
Amore de soldà, oncuò qua, doman là.
Amore fa amore, cativeria fa cativeria
Amore, merda e zéndare le xe tre robe tèndare.
Amore senza barufa fà la mufa.
Amore, tosse e panza no se sconde.
Anca i cojuni magna el pan.
Anca l'ocio vole la so parte.
Anca la cossienza fa el calo
Anca na bruta sìmia pole fare on bel salto.
Ano bisesto, ano senza sesto.
Ano piovoso, ano de merda.
Aprile ga el fiore, Majo l'odore.
Aprile la spiga, Majo el late, Giugno el gran.
Aprile piovoso, ano frutuoso.
Aprile sparesin, Majo saresin.
Aprile tenperà e Majo suto, formento dapartuto.
Aprile, on'ora el pianze, on'ora el ride.
Aprile, tuti i dì on barile.
Aqua che core no porta odore.
Aqua de Agosto, miele e mosto.
Aqua de Aprile, fromento sol barile.
Aqua passà no masena pì.
Aqua setenbrina, velen par la cantina.
Aqua turbia no fa specio
Ara tanto e sòmena poco.
Aria de fessura porta ala sepoltura.
Aria setenbrina, fresca la sera fresca la matina.
Arte toa, nemigo too.
Articolo quinto: chi che ga i schei ga senpre vinto.
Assa che la mojère la comanda in casa: solo cussì la te struca e la te basa.
Avere debiti e no pagarli xe come no averghene.
A viajare se se descanta, ma chi che parte mona el torna indrio mona.
B
Bacalà a 'la visentina, bon de sera e de matina.
Barbi e rane mai de Majo, parché i fa tristo passajo.
Barca fondà no ga bisogno de benedission.
Baso devoto no vole èssare visto.
Baso no fa buso, ma xe scala par andar suso.
Baso par forza no vale na scorza.
Basta na fontana a far dano a on'ostaria.
Beata che la sposa che la prima che la ga la sia na tosa.
Beati i ultimi se i primi ga creanza.
Beato l'Istà co tuti i pulzi e i zìmesi che'l ga.
Bela coa, trista cavala.
Bela in fassa, bruta in piaza.
Ben, bon e magari i jera tri che fabricava lunari.
Bianco e moro méname a casa.
Bieta e vin juta el segantin.
Bisogna avere oci anca sol culo.
Bisogna fare la spesa secondo l'entrata.
Bisogna inpizare na candela al demonio e una a Sant'Antonio.
Bisogna menare el dente conforme che uno se sente.
Bisogna tacare el musso dove che vole el paron.
Bivi el vin e lassa l'aqua al mulin.
Boca onta no la pole dire de no.
Boca sarà no ciapa moschini.
Bon come l'aqua de Lujo.
Bon fogo e bon vin scalda el camin.
Bon marcà sbrega la borsa.
Bon naso, fà bel'omo.
Bon vin, fola longa.
Bona bota bon vin, trista bota tristo vin.
Bondanza e roganza xe tuta na piatanza.
Bone parole e cativi fati ingana savi e mati.
Bonora al marcà e ala fiera, tardi ala guera.
Bota che canta la xe voda.
Bota piena, cèsa voda.
Botega de canton fà schei ogni cojon.
Bronza cuerta brusa la traversa.
Bruta de muso, larga de buso.
Buta via la roba tri dì dopo che la spuza.
C
Cadena tirà fà la pase in ca'.
Cafè de colo, ciocolata de culo.
Can che baja no mòrsega.
Can no magna can.
Canbiando paese se canbia fortuna.
Candelora, de l'inverno semo fora, ma se piove e tira vento de l'inverno semo drento.
Canpa, cavalo, che l'erba cresse.
Canpane a ore, calcun che more.
Canpanon a bonora, la xe na trista sagra.
Canpo pestà no produse erba.
Cao curto vendema longa.
Carestia prevista meza carestia.
Carità de man, bontà de core.
Carità par forza, fiore che spuza.
Carne che cresse no sta mai ferma.
Carne de vaca e legno de figaro par far bela ziera al'amigo caro.
Carne zòvane e pesse vecio.
Carnevale e Quarésema, par el pitoco xe la medesema.
Carta canta, vilan dorme.
Casa neta, dona regina.
Cativo inverno, cativo istà.
Cava erba e miti merda.
Caval bianco e bela mojèr dà senpre pensièr.
Caval, putana e persegar trent'ani no i pol durar.
Cavalo in prìstio no xe mai straco e no ga mai fame.
Cavalo vecio e servo cojon no inbroja el paron.
Cese e ospedai no i falisse mai.
Che Dio el ne varda dal seco tra le do Madone.
Che la piasa, che la tasa e che la staga in casa.
Chi ara fondo guadagna on mondo.
Chi beve prima dela minestra, vede el mèdego dala finestra.
Chi che bastona el so cavalo bastona la so scarsela.
Chi che dispreza conpra.
Chi che fa el conto prima de l'osto el lo fa do volte.
Chi che ga da vere ga da dare.
Chi che ga el mànego in man lo dòpara.
Chi che ga la rogna se la grata.
Chi che ga le scarpe rote el crede che tuti ghe le varda.
Chi che ga le zuche no ga i porzei.
Chi che ga na bela mojère no la xe tuta soa.
Chi che ga na vacheta ga na botegheta.
Chi che ga on mistièro in man da par tuto trova pan.
Chi ghe ga on zoco sol cortile, lo tegna pa 'l mese de Aprile.
Chi che ga paura del diavolo no fà schei.
Chi che ga santoli ga buzolà.
Chi che ga schei ga senpre rason.
Chi che ga solo on porzelo lo ga belo, chi ga solo on tosato lo ga mato.
Chi che ghe fà la barba al musso perde l'aqua e anca el saon.
Chi che ghe n'a ghe ne spende.
Chi che ghe piase el vin no'l lo buta in aseo.
Chi che grata la rogna ai altri rinfresca la soa.
Chi che laòra de festa laòra par el diavolo.
Chi che laora ga na camisa, chi che no laora ghe ne ga do.
Chi che laora magna, chi che no laora magna e beve.
Chi che magna aloè vive i ani de Noè.
Chi che massa se inchina mostra el culo.
Chi che nasse tacà a on fosso spuza senpre da freschin.
Chi che no ga fame, o l'è malà o'l ga magnà.
Chi che no ga pan ga denti.
Chi che paga avanti el trato, servizio mal fato.
Chi che pianta de Aprile cava de Majo.
Chi che pissa contro vento se bagna la camisa.
Chi che ride de vènare pianze de domenega.
Chi che ronpe de vecio paga de novo.
Chi che se marida de carnevale slonga le ganbe e scurza le bale.
Chi che se marida e no sa l'uso, fa le ganbe fiape e longo 'l muso.
Chi che se marida vecio sona de corno.
Chi che siòla ga pensieri.
Chi che va par i spini i xe quili descalzi.
Chi che varda i fati di' altri i sui ghe va da malo.
Chi che varda in suso se inbalza.
Chi che varda la luna gnente suna.
Chi che vole justare le braghe co le còtole dela mojère le gavarà senpre rote.
Chi che xe al cuerto quando che piove el xe mato s'el se move.
Chi che xe ben nutrio no crede ala fame.
Chi che xe destinà par la forca se nega.
Chi che xe vizin ala cusina magna minestra calda.
Chi che zerca cavalo e fémena senza difeto, no'l gavarà mai cavalo in stala e fémena in leto.
Chi ciama Dio no xe contento, chi ciama el diavolo xe disperà, chi dise ahimè xe inamorà.
Chi co done va e mussi mena, i crede de rivare a disnare e no i riva gnanca a zena.
Chi cominzia ben el primo de l'ano sta ben tuto l'ano.
Chi dà ai pòvari inpresta a Dio.
Chi da galina nasse, da galina ruspa.
Chi dà via el fato soo prima che'l mora, el merita la morte co la mazola.
Chi davanti te fa le bone de drio te sbefa.
Chi davanti te leca de drio te sgrafa.
Chi desfa bosco e desfa pra se fà dano e no lo sa.
Chi dise dona dise dano.
Chi dise "ma" in culo lo ga.
Chi dise sposa dise spesa.
Chi dòpara loame no ga mai fame.
Chi fà i fati sui no se sporca le man.
Chi fa la festa no la gode.
Chi fa la pignata sa fare anca el manego.
Chi fà pì dela mama, ingana.
Chi fà scarpe porta zavate.
Chi fida nel loto no magna de coto.
Chi ga canpi canpa.
Chi ga del bon in casa porta ogni straza.
Chi ga el cao dala soa ga in culo i sbiri.
Chi ga fato le pignate pol anca rònparle.
Chi ga la caza in man minestra a so modo.
Chi ga na bela scarpa ga na bela zavata.
Chi ghe n'a in cuna no diga de nissuna.
Chi gira leca, chi sta a casa se seca.
Chi inpresta perde el mànego e anca la zesta.
Chi ladra, Dio ghe dona; chi no ladra, pioci e rogna.
Chi leze el cartelo no magna vedèlo.
Chi magna carpion no xe on babion.
Chi magna salata fà la vita beata.
Chi mistièro no sa botega sara.
Chi more el mondo assa, chi vive se la spassa.
Chi nasse de Lujo no speta comare.
Chi nasse mato no guarisse mai.
Chi no ga testa ga ganbe.
Chi no ghe piase galina col pien, merita pache opure velen.
Chi no laora no magna.
Chi no magna ga magnà.
Chi no more in cuna ghe ne inpara senpre calcuna
Chi no sa cossa che xe l'inferno, fassa el cogo d'istà e 'l caretier d'inverno.
Chi no sa rìdare no sa vìvare.
Chi no se contenta de l'onesto, perde el mànego e anca el zesto.
Chi no se inzegna fa la tegna.
Chi no tien conto de on scheo, no vale on scheo.
Chi no xe bon de rònpare el pan no xe bon de guadagnàrsene.
Chi òrdena paga.
Chi par casa, chi par canpi, on pochi de corni ghe xe par tuti quanti
Chi pesca al fondo cata el tòrbio.
Chi pì ama pì bastona.
Chi pì capisse pì patisse.
Chi pì spende manco spende.
Chi pì xe, manco se vanta.
Chi piègora se fà el lupo se lo magna.
Chi porta la roba da festa ogni dì, o'l xe novizo o no'l ghe n'a pì.
Chi prima no pensa dopo sospira.
Chi prima va al mulin prima màsena.
Chi sbaglia de testa paga de scarsela.
Chi se taja el naso se insànguena la boca.
Chi somena spini no vaga descalzo.
Chi sòmena vento rancura tenpesta.
Chi sparagna el gato magna.
Chi sparte e no se ne tien, el Signore no ghe vole gnanca ben.
Chi sta soto la napa del camin sa da fumo o da agrin.
Chi stima no conpra.
Chi te vole ben te fà piànzare, chi te vole male te fà rìdare.
Chi teme sta in pene.
Chi tende ala pesca poco tresca.
Chi tuto rancura de gnente ga bisogno.
Chi va a l'osto perde el posto.
Chi va a Roma e porta on borsoto, deventa abate o vescovo de boto.
Chi va al marcà co pochi schei li spende male.
Chi va de note ga dele bote.
Chi va in leto senza zena tuta la note se remena.
Chi va pian va lontan, chi va forte va ala morte.
Chi va sa calcossa, chi manda speta risposta.
Chi va via perde la partia.
Chi vol èssare ben vardà vaga a messa scumizià.
Chi vol fare el stronzo massa grosso ghe vien le làgreme ai oci.
Chi vol fare mosto zapa la tera de Agosto.
Chi vol magnare on bon bocon, magna l'oca col scoton.
Chi vol stare ben ciapa le roba come le vien.
Chi vol stare san pissa spesso come on can.
Chi vol vèndare mete in mostra.
Chi vole 'ndare massa in suso, casca par tera e se ronpe el muso.
Chi vole el can se lo ciapa par la coa.
Chi vole el pomo sbassa la rama, chi vole la tosa careza la mama.
Chi vole inparare a biastemare porta dela legna da ligare.
Chi vole on bel ajàro lo pianta de Jenaro.
Chi vole stare san dai mèdeghi staga lontan.
Chi vole, vaga; chi no vole, manda.
Chi xe svejo a'la luna, dorme al sole.
Ciaro te vedo e presto me ricordo: el moroso distante no vale on corno.
Ciodo, martelo e segon: i miracoli del marangon.
Co l'Adolorata se va verso l'invernata.
Co l'arte e co l'ingano se vive mezo ano; co l'ingano e co l'arte se vive staltra parte.
Co l'età, l'omo fa panza e la fémena fa stomego.
Co le done e co le merde se barufa a po' se perde.
Co la caveza se liga i cavai, co la parola i òmani.
Co la panza piena se rajona mèjo.
Co le beleze no se magna.
Co poco se vive, co gnente se muore.
Co zento pensieri no se paga on scheo de debito.
Co' bala l'ocio drito, cuor contrito; co' bala l'ocio zanco, cuore infranto.
Co' canta el ciò xe finio de far filò.
Co' canta el galo sola rosà, core l'aqua par la carezà.
Co' canta le zigàle de Setenbre no conprare gran.
Co' capita on bon bocon, mona chi che no ghe ne aprofita.
Co' casca l'àlbaro tuti fà legna.
Co' ghe n'è massa le cioche se beca.
Co' i ga voltà el messale la messa pì no vale.
Co' i ladri se fa la guera, segno ch'i xe d'acordo.
Co' i nasse i xe tuti bei, co' i se marida i xe tuti siuri, co' i more i xe tuti boni.
Co' i picoli parla i grandi ga parlà.
Co' i xe pì i passi che i boconi l'è on andare da cojoni.
Co' i zenoci se ama le caece no se pol vèdare.
Co' l'osto xe sola porta no ghe xe nissuni drento.
Co' la carne xe frusta l'ànema deventa justa.
Co' la fame vien drento par la porta, l'amore va fora pa'l balcon.
Co' la man se parte, la boca se verze.
Co' la oja la xe pronta le ganbe se fà liziere.
Co' la passienza el gobo va in montagna.
Co' la piova e col vento, a pescare e a trare no starghe ndare.
Co' la vaca tien su el muso, bruto tenpo salta suso.
Co' manca el méjo i osei se beca.
Co' more el vecio la casa se desfa.
Co' na man se da e co' staltra se riceve.
Co' nasse na femena, nasse na serva; co' nasse on omo, nasse on paron.
Co' névega sola foja l'è on inverno che fa oja.
Co' no ghe n'è, spèndarne; co' ghe n'è tegner da conto.
Co' no ghe xe pì gànbari, xe bone anca le zate.
Co' parla na bela dona la ga senpre rason.
Co' piase la roba no se varda la spesa.
Co' piove so la rosà tuto el dì se ghe n'a.
Co' riva el trenta de Agosto tute le zuche le va 'rosto.
Co' riva l'ora terza, o la se driza o la se roversa.
Co' riva le Madone tute le zuche le xe bone.
Co' ruza el ton, da calche parte piove.
Co' se barata, uno ride e staltro se grata.
Co' se ciapa on vizio se stenta a pèrdarlo.
Co' se ga da pagare se cata tuti, co' se ga da tirare no se cata nissuni.
Co' se ga scumizià no ghe xe pì retegno.
Co' se guadagna se magna.
Co' se sta ben se more.
Co' se xe in balo bisogna balare.
Co' se xe morti, San Michele pesa le àneme e i preti i candeloti.
Co' se xe mussi ala matina se lo xe anca ala sera.
Co' spesso se scalda el forno, poca legna basta.
Co' te nassi scarognà, te scanpi dal musso e la vaca te tra.
Co' te senti le racolete cantare xe rivà la primavera.
Co' te vidi par strada on bòzolo, no starte fermare: o pesi da portare o bote da ciapare.
Co' toneza de Jenaro chi ga quatro vache se ne magna on paro.
Co' xe soleselo ghe n'emo on brazelo.
Co'l cavéjo tra al bianchin, assa la dona e tiente el vin.
Co'l fromento tra a l'anguro, tàjelo che'l xe maduro.
Co'l funerale xe finio i parenti se core drio.
Co'l galo canta da galina, la casa va i ruina.
Co'l galo canta so la zena, se no xe belo se serena.
Co'l gran se incurva el contadin se indriza.
Co'l lovo deventa vecio i can ghe pissa incoste.
Co'l mulin xe senza aqua me toca bévare aqua; co' l'aqua fà 'ndare el mulin bevo del bon vin.
Co'l sole tramonta i àseni se ponta.
Co'l sorze scanpa, la gata va al paese.
Coi birbi el galantomo fà senpre la figura del cojon.
Col minestro che se minestra se vien minestrà.
Col pan se fà balare i can.
Come che xe grossa la candela, i preti alza la ose.
Confessori e bròcoli i xe boni fin a Pasqua.
Conpare de anelo pare del primo putelo.
Conpra poco e guadagna tanto.
Conti de Lendinara e nobili de Ruigo no vale on figo.
Corpo pien ànema consolà.
Costa depì on vizio che diese fioi.
Culo che caga no ghe xe oro che lo paga.
Cusina che fuma, dona cativa e coverta rota manda l'omo in malora de troto.
D
Da la Befana la rapa xe vana.
Da on musso no se pole spetarse che peade.
Da San Giorgio se sòmena l'orzo. (23/4)
Da San Marco la vigna buta l'arco. (25/4)
Da San Martin a Nadale ogni poareto sta male.
Da San Matia oncora neve par la via.
Da San Matio ogni fruto xe bonio.
Da San Valentin guerna l'ortesin. (14/2)
Da tristi pagadori se tole ogni moneda.
Dai a chel can che'l xe rabioso.
Dai cupi in su nissun sa gnente.
Dai Santi tote sierpa e guanti.
Davanti al prete, al dotore e a on capitelo càvate senpre el capelo.
De chi no se fida no ghe xe da fidarse.
De drio d'i s-ciopi, d'i cavai davanti e distante dai mati.
De Febraro calche mato va senza tabaro.
De Febraro ogni gata va in gataro.
De Giugno miti la messora in pugno.
De istà ogni beco fà late, de inverno gnanca le bone vache.
De Jenaro ogni galina fa el gnaro.
De la Candelora el dì cresse oncora.
De la Salute meti le maneze ale pute.
De la Sensa le granseole fà partensa.
De Marzo no bisognarìa che pissesse gnanca na rana.
De nose on saco, ma no pì de na fémena par casa.
De note tute le vache xe more.
De Novenbre, quando tona xe segnal de anata bona.
De Otobre, on bel oveto xe p' dolze de on confeto.
De Pasqua no ghe xe galina che no faza.
De pesse scanpà no se ne ga mai magnà.
De San Luca pianta la rapa e cava la zuca.
De San Martin se sposa la fiola del contadin.
De San Martin se veste el grande e anca el picenin.
De San Michele la piova la bagna la pele.
De San Michele se calza le brute e anca le bele. (29/9)
De San Piero el formento e anca el pero.
De San Tomìo le zornade torna indrio.
De San Valentin fiorisse el spin.
De Sant'Antonio el formento indora.
De Sant'Urban la segala conpisse el gran.
De Santa Giustina tuta la ua xe marzemina.
De siuri ghe n'è de tre sorte: siorsì, siorno' e sior mona.
Debito sputanà, debito pagà.
Del bon tenpo e dela bona zente no se se stufa mai.
Del calendario e dela passienza no se pole fare senza.
Del Pardon (d'Assisi) se trà la zapa in t'on canton.
Del pito el passo, del polo el volo.
Del too dàmene, ma del mio no stàrmene domandare.
Dele volte el Santo xe grande, ma el miracolo xe picolo.
Dele volte na busia salva la verità.
Dentro de ogni matrimonio se sconde el demonio.
Dicenbre se tole e no rende.
Dicenbre, davanti el te scalda e de drio el te ofende.
Dime ludro, dime can, ma no dirme furlan.
Dio li fà e po' li conpagna.
Dio manda el fredo secondo i pani.
Dio me varda dala rabia dei boni.
Dio te varda da on magnadore che no beve.
Dio te varda dal vermo del fenocio e da chi che ga on solo ocio.
Dio vede e Dio provede.
Do fémene fà on marcà.
Dolore confidà xe guarìo par metà.
Dona bela e vin bon xe i primi che te assa in abandon.
Dona de mondo no ga mai fondo.
Dona e luna, ora serena ora bruna.
Dona nana, tuta tana.
Dona sconpagnà xe senpre mal vardà.
Done, cani e bacalà no i xe boni se no i xe pestà.
Done e afani scurza i ani.
Dopo i confeti se vede i difeti.
Dopo i ..anta ganbe che trèmola, tete che scanpa.
Dopo i Santi, fora el tabaro e anca i guanti.
Dopo l'amaro vien el dolze.
Dopo la crose na pèrtega par le nose.
Dotori e preti no dà mai gnente a nissun.
Dove che comanda le done e ara le vache, se vede robe mal fate.
Dove che ghe vole fati, no basta le parole.
Dove che ghe xe canpagne ghe xe putane.
Dove che ghe xe tose inamorà, xe inutile tegnere le porte sarà.
Dove che manca i cavai anca i mussi trota.
Dove che no ghe xe vin da travasare e farina da far pan staghe lontan.
Dove che passa la barca pol passare anca el batelo.
Dove che va l'ago va anca el filo.
Dove no ghe xe da guadagnare ghe xe da pèrdare.
Dove no ghe xe ocio no ghe xe làgreme.
Drio ai ani ghe va el judizio.
Dura depì i loamari che i pajari.
Dura depì na pignata rota che una sana.
E
El baston el xe on cativo maestro.
El bisogno insegna a far de tuto.
El bon figo ga da vere camisa da pitoco, colo da picà e culo da pescadore.
El bon formajo se fà de majo.
El bon vin fà bon sangue.
El bon vin se trova dal paroco.
El bon vin se vende a la soja.
El bon vin xe ciaro, amaro e avaro.
El bon vin, i schei e la bravura poco i dura.
El bòvolo xe on pasto fin: bon par el vecio, bon par el putin.
El butare via xe parente del piànzare.
El cafè xe bon sentà, scotà e scrocà.
El caldo di nezuoi no fà bòjare la pignata.
El can de du paruni more de fame.
El capon xe senpre de stajon.
El carbon l'inzende o l'intenze.
El colmo de luna bel tenpo el cuna.
El desperà xe senpre castrà.
El diavolo fà le pignate ma no i querci.
El diavolo juta i sui.
El diavolo va a cagare senpre sol monte pì grande.
El fero caldo deventa dolze.
El fero se piega, el legno se ronpe.
El fogo fà alegria.
El fogo juta el cogo.
El fogo serve de conpagnia.
El fruto no'l casca mai lontan da l'àlbaro.
El fumo ghe va drio ai bei, i bruti el li sòfega.
El gato sol fogolaro xe segno de miseria.
El judizio salva l'osso del colo.
El laòro dela sega el slonga i brazi e 'l scurza la tega.
El laòro fato de festa va fora par la finestra.
El lardo vecio conza la minestra.
El leto xe el paradiso d'i poariti.
El leto xe na rosa: se no se dorme se riposa.
El loame de cavalo el fruta on ano e no sò qualo.
El lume xe na meza conpagnia.
El lusso magna la tenca.
El magnare di poariti l'è in bisaca ai siuri.
El malà no magna gnente e 'l magna tuto.
El male che se vole no xe mai massa.
El male dela pria xe el pezo male che ghe sia.
El male no domanda permesso.
El male riva a cavalo e 'l parte a piè.
El male vien a carete e 'l via a onze.
El marangon conosse el legno tristo e quelo bon.
El marangon laora senza stajon.
El marzaro, prima el fà i schei e dopo la cossienza.
El matrimonio no xe belo se no ghe xe gnanca on putelo.
El mèdego pietoso fà la piaga verminosa.
El mèjo xe nemigo del ben.
El miracolo no fà el Santo.
El moleta fà girare la rua, el cortelo intanto se frua.
El mondo xe di' furbi.
El mondo xe grande: basta voler caminare.
El mondo, mezo el xe vendù e mezo el xe da vèndare.
El morto in cassa, el vivo se la spassa.
El musso, co'l ga magnà el volta el culo ala grupia.
El naso d'i gati, i zenoci d'i òmani e 'l culo dele fémene xe senpre fridi.
El naso gusta e la boca patisse.
El nome di' zucuni xe scrito sui cantuni.
El pan del mona xe el primo magnà.
El pan del paron el ga tre croste.
El pan del poareto xe senpre duro.
El pan in mostra xe l'ultimo vendù.
El pare fà la roba, i fioi la vende.
El paron xe el ragno, el contadin la mosca.
El pèrdare xe parente del piànzare.
El pèrsego col vin, el figo co l'aqua.
El pesse ga da noare tre volte: prima intel'aqua, dopo intel'ojo e la terza 'ntel vin.
El pesse guasta l'aqua, la carne la conza.
El pesse spuza dala testa.
El petegolo xe na spia senza paga.
El poco basta, el massa guasta.
El pòvaro omo no fa mai ben: se more la vaca ghe vanza el fen, se la vaca scanpa e l fen ghe manca.
El pòvaro omo no l'è da conséjo: el parla ben e no'l xe scoltà, el parla male e 'l xe pica.
El prezo no lo fà l'aventore.
El prezo sgualiva tuto.
El primo ano se ghe vole tanto ben che la se magnaria, el secondo se se ciama grami de no verla magnà.
El primo de Aprile, miti le zuche che le vien come on barile.
El primo fiore xe quelo del vin.
El riso nasse da l'aqua e 'l ga da morire sol vin.
El rosso xe par l'avocato, la ciara par le spese e la sgussa par chi che vinze.
El rùzene magna el fero.
El sangue no xe aqua.
El sapiente sa poco, l'ignorante el sa massa, ma el mona sa tuto.
El segreto dele femene no lo sa nissun, solo mi, vu e tuto el comun.
El simile col simile, ma le verze co l'ojo.
El Sior de sora ne manda la tenpesta e quelo de soto el magna quel che resta.
El sole de Agosto brusa i piantoni.
El sole magna le ore.
El tènaro ronpe el duro.
El tenpo fà i mistieri.
El tenpo no ghe fà torto a nissuni.
El tenpo e la rason xe senpre del paron.
El tenpo, el culo e i siuri i fà quelo ch'i vole luri.
El vento forte inpiza el fogo o 'l lo stua.
El vilan el vendarìa el gaban par formajo, piri e pan.
El vilan xe largo de boca e streto de man.
El vin al saore, el pan al colore.
El vin amaro tièntelo caro.
El vin bon no ga bisogno de frasca.
El vin de casa no inbriaga.
El vin xe bon par chi che lo sa bévare El vin xe el late di' veci.
El zogo rìsega la vita e ròsega la roba.
Erba crua no xe par testa canua.
F
Fà la corte ale vecie se te vo' piasérghe ale zòvane.
Facile xe piantare ciodi, ma dificile xe s-ciodarli.
Falo de mèdego, volontà de Dio.
Far ciaro ai orbi e predicare ai sordi el xe tenpo perso.
Fare i mistieri che no se conosse i dìnari i deventa mosche.
Fato ben o fato male, dopo el trato se beve el bocale.
Faustin, poco pan e tanto vin.
Febraro inevà fà bela l'istà.
Fevraro curto, erba da par tuto.
Fevraro curto, pezo de tuto.
Fin a Nadale fredo no fà: braghe da istà; dopo Nadale el fredo xe passà, braghe da istà.
Fin a Nadale magnemo verze e rave.
Fin che dura i bezi, amighi no manca.
Fin che dura la menada dura la polenta.
Fin che l'invidioso se rode, l'invidia se gode.
Fin che na bela xe vardà, na bruta xe maridà.
Fin che ghe xe fià ghe xe speranza.
Fin che ghe xe pan in convento, frati no manca.
Fin che i barufanti tira la vaca, uno pa' i corni e staltro par la coa, l'avocato monze.
Fin che'l mèdego pensa el malà muore.
Fin che dura sto regno, scarpe de legno.
Fin dai Santi sòmena i canpi.
Finia la festa, finie le candele.
Fioi da slevàre, fero da rosegare.
Fioi picoli, pensieri picoli; fioi grandi, pensieri grandi.
Fiuri e fruti se pol tore da tuti.
Fogo de paja e troto de vecia dura poco.
Fongo de Majo, spighe de Agosto.
Formajo, pan bianco e vin puro fà el polso duro.
Formento butà, paron in piè.
Fra i doturi, in medesina, xe pì bravo chi indovina.
Fra' Modesto no'l xe mai deventà priore.
Fradei, cortei.
Fredo e fame fà on bruto pelame.
Frua la bareta chi se la cava a tuti.
Fumo e dona ciacolona fà scanpare l'omo de casa.
G
Galina vecia fà bon brodo.
Garbin no xe tragante né pescantin.
Gato sarà deventa leon.
Ghe vole sete fémene par fare on testimonio.
Ghe xe chi che magna le fave e chi che magna le sgusse.
Ghe xe pì dì che luganega.
Ghe xe pì tenpo che vita.
Giugno, Lujo e Agosto, né dona, né aqua, né mosto.
Gnente, xe bon pa'i oci.
Gran fredo de Jenaro se incolma el granaro.
I
I "se" e i "ma" se du ebeti da Adamo in qua.
I bauchi casca senpre par tera.
I canpi no vien mai veci.
I cojuni del can e i schei del vilan i xe i primi mostrà.
I curiusi se paga al sabo.
I dì dela merla l'inverno te dà na sberla.
I difeti xe come i odori: li sente pì chi che ghe xe intorno che chi che li porta.
I doluri xe come i schei: chi che li ga se li tien.
I du Santi del giazo: San Luigino e San Paolino i porta l'Inverno de Giugno.
I fali, el médego li sconde la tera.
I fasoi veci nasse in panza.
I fasoi xe la carne di' poariti.
I fioi no porta carestia.
I fioi vien dal cuore, el marìo dala porta.
I mèdeghi e le patate ga i fruti soto tera.
I mona se conosse da do robe: dal parlare, quando che i dovaria tasere; dal tasere, quando che i dovaria parlare.
I morti verze i oci ai vivi.
I muri veci fà panza.
I nostri veci ga magnà i canpi e i ne ga assà i proverbi.
I nostri veci ga magnà i capuni e i ne ga assà i proverbi.
I nostri veci stava zento ani col culo ala piova prima de fare on proverbio.
I oci del spazacamin xe senpre bianchi.
I òmani ala guera e le vache in montagna no se garantisse.
I òmani ga i ani ch'i se sente, le done quei che le mostra.
I ovi xe boni anca dopo Pasqua.
I parenti xe come le scarpe: pì striti i xe, pì male i fà.
I preti fà bòjare la pignata co le fiame del purgatorio.
I primi capuni fà la coa bela.
I salgari no fa ojo.
I Santi novi scalza i veci.
I schei fà balare i sorzi.
I schei porta l'oca al paron.
I schei vien de passo e i va al galopo.
I siuri ga el paradiso de qua e quelo de là i se lo conpra.
I siuri more de fame, i poariti de indigestion, i frati de caldo e i preti de fredo.
I ùltimi de Jenaro, sèntate sol fogolaro.
I veci porta la morte davanti e i zòvani de drio.
In amore nasse corajo se te magni del formajo.
In casa de ladri no se roba.
In casa de pescaduri l'è on tristo pescare.
In casa strinzi, in viajo spendi, in malatia spandi.
In istà la vache va in montagna a fare le siore, e le siore va in montagna a fare le vache.
In t'el mistiero del munaro, tanto se roba co la stadiza che col staro.
In t'i misi che ga l' "ere" no senteve sole piere.
In tenpo de peste pì baje che feste.
Incalmà in onore de San Francesco, se no'l taca de verde el taca de seco.
I Santi de casa no fà miracoli.
J
Jenaro co la pòlvare, granaro de ròare.
Jenaro e Febraro i xe du misi che va a paro.
Jenaro suto, gran dapartuto.
L
L'altissimo de sora ne manda la tenpesta, l'altissimo de soto ne magna quel che resta, e in mezo a sti du altissimi, restemo povarissimi.
L'amigo del prete perde la relijon, l'amigo del dotore perde la salute, l'amigo del'avocato perde la causa.
L'amore del vecio sa da scaldaleto.
L'amore fà passare el tenpo, e 'l tenpo fà passare l'amore.
L'amore no ciapa rùzene.
L'amore no xe fato solo de amore.
L'amore vecio no fà mai la mufa.
L'amore xe potente, ma l'oro onipotente.
L'aqua de Giugno ruina el munaro.
L'aqua de Majo ingrassa el formento.
L'aqua de San Gaetano la tole l'afano. (7/8)
L'aqua de San Giacomo la fà miracoli.
L'aqua de San Gregorio fà ranpegare la végna.
L'aqua de San Joani guarisse tuti i malani.
L'aqua morta fà spuza.
L'aqua ronpe dove che no se crede.
L'aqua smarzisse i pali.
L'arcobaleno ala matina bagna el beco ala galina.
L'aria de Febraro xe come on loamaro.
L'aria de martina xe na bona medesina.
L'aria de San Matìa (24/2) dura fin a San Giorgio, e l'aria de San Giorgio dura fin a S.Urban.
L'avaro farìa de manco de cagare par no butare via gnanca quela.
L'avaro xe come el porco, che no'l xe bon che dopo morto.
L'inverno l'è el boia di' veci, el purgatorio di' putei e l'inferno di' poariti.
L'istà de San Martin dura tri dì e on pochetin.
L'ocasion fà l'omo ladro.
L'ocio del paron ingrassa le bestie.
L'omo el tien su on canton dela casa, la fémena staltri tri.
L'omo fà la dona e la dona fà l'omo.
L'omo maridà porta quatro "p": pene, pensieri, pentiminti e pecati.
L'omo pì bruto xe quelo che ga le scarsèle roverse.
L'omo propone, Dio dispone.
L'omo: che'l sia san, cristian e che'l sapia guadagnarse el pan.
L'onbra d'istà fà male ala panza d'inverno.
L'onbra del canpanile ingrassa e salva.
L'onore xe come el vento: el va fora da tuti i busi.
L'oro no ciapa macia.
L'orto xe mezo porco.
L'ortolan ga senpre tera in man.
L'ospite xe come el pesse: dopo tri dì el taca a spuzare.
L'ovo del luni pagan l'è del diavolo.
L'ultimo abito ch'i ne fà l'è senza scarsèle.
L'ultimo che more de fame xe 'l munaro.
L'ultimo goto xe quelo che inbriaga.
L'ultimo ovo xe quelo che scoraja el musso.
L'union dela fameja sta int'el casson dela farina.
La beleza la va e la vien: la xe la bontà che se mantien.
La boca e el culo i xe fradei.
La boca la se liga solo ai sachi.
La boca la xe picola, ma la xe bona de magnare canpi e velada.
La boca no xe straca se prima no la sa de vaca.
La bona maniera la piase a tuti.
La bona mojère fà el bon marìo.
La bota la dà el vin che la ga.
La bota la fà el vin.
La bota piena tase.
La burla no la xe bela se no la xe fata a tenpo.
La caena no ga paura del fumo.
La camisa del spazacamin xe senpre sporca.
La carità, farla anca al diavolo, la xe senpre ben fata.
La casa no fà fighi.
La coa massa longa xe quela che copa la volpe.
La coéga cola sol lardo.
La dona xe come la castagna: bela de fora, dentro la magagna.
La dona va sojeta a quatro malatie al'ano e ogni una dura tri misi.
La fadiga fa catare l'inzegno.
La fame xe el mejo aperitivo che ghe sia.
La fémena xe come l'aqua santa: tanto fà poca come tanta.
La fémena xe come on falzin: batarla ogni tanto, guzarla senpre.
La fortuna la ghe va drio ai orbi.
La frégola la vien dal toco.
La joza scava la piera.
La justizia xe fata a maja.
La legna de nogara fà desperare la massara.
La legna la scalde depì prima de trarla drento la stua che dopo.
La lengua bate dove che'l dente duole.
La luna nuova la cava el seco.
La menestra la xe la biava del'omo.
La merda fà schei.
La mojère xe come na scoreza: o ti 'a moli o ti 'a sòfeghi.
La morte del lovo xe la salute dele piègore.
La morte no ga lunario.
La morte xe senpre pronta, come le tole dei osti.
La neve decenbrina disisète volte la se capina.
La note xe fata pa' i alochi.
La paja tacà al fogo la se inpizza.
La panza d'i preti la xe el zimitero d'i capuni.
La parola liga l'omo, la corda el musso.
La passienza xe la minestra dei bechi e la speranza xe l'altare dei cojoni.
La pezo roa del caro xe quela che ruza.
La piègora xe benedeta dal culo e maledeta dala boca.
La pignata de l'artesan, se no la boje oncuò la boje doman.
La pigrizia la va tanto pian che la miseria la ciapa.
La piova de primavera ghe ronpe la rogna ala tera.
La piova de San Bernardin la roba pan, ojo e vin.
La piova del'Assension fà bela la stajon.
La piovesina ingana el vilan: par che no piova e la spassa el gaban.
La prima fachina, la seconda regina.
La prima galina che canta ga fato l'ovo.
La prima xe matrimonio, la seconda conpagnia e la terza na eresia.
La pulizia va ben dapartuto, fora che in granaro.
La rason del poareto no la vale on peto.
La ràza no va su par el talpon.
La roba bona no la resta in botega.
La roba bona no la xe mai cara.
La roba che se buta via coi piè, vien dì che la se rancura co le man.
La roba donà fà male ala panza.
La roba in mostra xe quela che no se vende.
La roba marida la goba.
La roba no xe de chi che la fà, ma de chi che la gode.
La roba ordenà la vol èssare pagà.
La rosà de Majo guarisse le buganze de genajo.
La salata la vole el sale da on sapiente, l'aseo da on avaro, l'ojo da on prodigo, smissià da on mato e magnà da on afamà.
La sega misura el brazzo.
La speranza xe el pan d'i poariti.
La spia xe pezo del ladro.
La strigheta mete le feste in sacheta.
La tera e i canpi li laora i ignoranti.
La tera xe mare e maregna.
La testa del barbon xe el mejo bocon.
La tosse xe 'l tanburo dela morte.
La vigilia de San Joani piove tuti i ani.
La vita xe come na scala par le galine: curta e piena de merde.
La zeola la xe la rufiana del cuogo.
Laòro de manareto poco e maledeto.
Laòro de sachi laòro da mati.
Le bele par dileto, le brute par dispeto.
Le bestie se trata da bestie.
Le bone azion xe come le vivande, che no le vale gnente co' le spuza da fumo.
Le bone parole onze, le cative ponze.
Le canpane de San Martin vèrze le porte al vin.
Le ciàcole no inpasta fritole.
Le disgrazie ga le ale, la fortuna i piè de pionbo.
Le done xe sante in cèsa, angeli in strada, diavoli in casa, zoéte sol balcon, gaze so la porta.
Le femene co' le se confessa le dise senpre quelo che no le ga fato.
Le fémene no sa de èssare sentà dessora ala so fortuna.
Le maledission le salta de qua e de là e le finisse sol culo de chi che le ga dà.
Le maravéje dura tri dì.
Le montagne sta ferme e i òmani se move.
Le mosche le va drio ai cavai magri.
Le novità le piase a chi che no ga gnente da pèrdare.
Le parole del moleta no le vale on'eta.
Le parole no inpinisse la panza.
Le ràcole ciama piova.
Le scarpe de on vilan no le farà mai na bela peca.
Le tose lo desidera, le maridà lo prova, le vedove lo ricorda.
Le vache pissa, i manzi sbrissa e i bo' veci xe quei che tira.
Le zuche nate fra le do madone le xe le pì bone.
Le zuche vode le sta sora l'aqua.
Le zuche vode vien senpre a gala.
Legna de fasso presto te vedo e presto te lasso.
Legno de sanbugaro no fa bronza e no fa ciaro.
Leto fato e fémena petenà, la casa xe destrigà.
Libri, done e cavai no se inpresta mai.
Lìssia e pan: dale done staghe lontan.
Loame de porco no loama né canpo, né orto.
Loame, rivai e cavedagne, benedission dele canpagne.
Lujo in tana, se piove la xe na mana.
Luna bassa, pescadore sicuro.
Luna in piè, marinaro sentà; luna sentà, marinaro in piè.
Luna nuova tri dì de piova.
Luna setenbrina sete lune se ghe inchina.
Luna setenbrina, sete lune la indovina.
M
Magari polenta e pessin, ma na bela testa sol cussin.
Magna da san e bivi da malà.
Magnà i gànbari se ciucia anca le zate.
Magna la lana, ma salva la piégora.
Magna renghe e sardeloni: te conservarè i polmoni.
Magna, bivi e godi, ma no inpiantare ciodi.
Mai assàre la strada vecia par quela nuova.
Mai fare male par spetarse ben.
Majo fresco e ventoso fà l'ano copioso.
Majo fresco, fava e formento.
Majo fresco, paja e formento.
Majo ortolan, tanta paja e poco gran.
Majo piovoso, vin costoso.
Majo suto, gran dapartuto.
Mal de testa vole magnare, mal de panza vole cagare.
Marcante e porco stimalo dopo morto.
Maroni e vin novo, scoreze de fogo.
Marsoni friti e polentina, on fià de vézena e vin de spina.
Marzo el se fà vanti, el merlo el fà noze coi so canti.
Marzo spolvarento, poca paja e tanto formento.
Marzo suto e Aprile bagnà: beato chel contadin che ga somenà.
Marzo sventolaro fromento in granaro.
Marzo sventolon, more la piègora e anca el molton.
Marzo, par quanto tristo che'l sia, el buò al'erba e 'l cavalo al'onbrìa.
Mati chi mete e mati chi no mete.
Mèdeghi e guera spopola la tera.
Mèdego vecio e chirurgo zòvane.
Mèjo 'vere du schei de mona che passare par massa svejo.
Mèjo du vivi (fioi) che uno morto.
Mèjo el tacon del sbrego.
Mèjo fare on toso che fare na polenta.
Mèjo le braghe sbuse sol culo che el culo sbuso so le braghe.
Mèjo na dona bela senza camisa che na bruta co sete camise.
Mèjo na torta in du che na merda da ti solo.
Mèjo on àseno vivo che on dotore morto.
Mèjo on magro acordo che na grassa sentenza.
Mèjo on ovo oncuò che na galina doman.
Méjo on piato de bela ziera che zento pastizi.
Mèjo on sorze in boca a on gato che on omo par le man de on avocato.
Mèjo on tacon che mostrare el culo.
Mèjo paron de on canpo che fituale de na canpagna.
Mèjo piànzarli morti inocenti che vivi delinquenti.
Mèjo picoli e ben conpìi che grandi e insemenii.
Merda e aqua santa fà la racolta tanta.
Merlo in te'l camin trema el contadin.
Mese de Agosto, colonbo rosto.
Minestra rescaldà no xe mai bona.
Misura el ciodo prima de piantarlo.
Miti le straze int'on canton che vegnarà la so stajon.
Morire xe l'ultima capèla che se fà.
Morto on papa se ne fà 'nantro.
N
Na bona aqua de Febraro vale pì de on loamaro.
Na dona stenta a dirghe bela a 'nantra.
Na dona bela pole zernìre, la bruta tole su a fato.
Na faliva basta a brusare na casa.
Na fémena pianta e despianta na fameja.
Na joza de miele conza on mare de fiele.
Na man lava l'altra e tute do lava el muso.
Na mota e na busa fà on gualivo.
Na pena ala volta se pela l'oca.
Na serenada de note dura fin che on can fà le balote.
Na volta core el lièvore, na volta core el can.
Nadale col mandolato, i Morti co la fava, Pasqua co la fugazza.
Né a l'ocio, né a l'ongia no ghe vole gnente che sponcia.
Né co torenti, né co potenti no star strénzare i denti.
Né de inverno, né de istà tabaro e onbrela mai a ca'.
Né la malatia, né la preson fà deventare l'omo bon.
Né na parola dita, né on naso tirà no torna indrio.
Né panza, né rogna, né tosse se sconde.
Né re, né disnare no se fà mai spetare.
Né zarese, né galete in granaro no se mete.
Nebia bassa bel tenpo la lassa.
Nela luna setenbrina la sardela se rafina.
Neve de Jenaro inpina el granaro.
Neve novenbrina trédese volte la se rafina.
No bisogna domandarghe a l'osto se'l ga bon vin.
No bisogna inpizzare el fogo fora dala pignata.
No bisogna magnare i ovi prima de verghe cavà la sgussa.
No fare el passo pì longo del ganba.
No ghe n'è mai bastanza se no ghe ne vanza.
No ghe xe avere che conta depì del savere.
No ghe xe carne in becaria che presto o tardi no la vaga via.
No ghe xe erba che varda in su che no gabia la so virtù.
No ghe xe farina senza sémola, nosèla senza scorza, gran senza paja e omo senza difeti.
No ghe xe gnente de pì bon del colo del capon.
No ghe xe mai ben che no gabia el so male.
No ghe xe matrimonio che no ghe entra el demonio.
No ghe xe nessun ladron che no gabia la so devozion.
No ghe xe on sabo santo al mondo che la luna no gabia fato el tondo.
No ghe xe pignata che covercio no la cata.
No ghe xe polastrina che par le feste de Pasqua no sia galina.
No ghe xe rizeta par la paura.
No ghe xe scoa vecia che in cao l'ano no la vegna bona.
No ghe xe sordo pì grande de quelo che no vole scoltare.
No ghe xe straza che no la vegna bona.
No pole èssare jutà chi che no vole èssare consilià.
No revoltare la merda, parché la spuza.
No se dise vaca mora se no ghe n'è on pelo.
No se fà on capelo par na sola piova.
No se ga se no quel che se gode.
No se pole 'ndare in paradiso a dispeto di' Santi.
No se pole avere la bota piena e la mojère inbriaga.
No se pole caminare sola neve senza assare peche.
No se pole cantare e portare la crose.
No se pole far cagare i mussi par forza.
No se spua sol piato che se magna.
No serve butare el manego drio la manara.
No spèndare tuto quelo che se ga, no dire tuto quelo che se sa.
No te far capo dela conpagnia, parché te si po' quelo che paga a l'ostaria.
No tocare can che ròsega e zugadore che perde.
No tona mai par gnente.
No vien Majo se no fiorisse le rose.
No xe colpa dela gata se la parona la xe mata.
Nose e done no se sa quale che sia bone.
Nose e pan, magnare da can.
Nose e pan, pasto da vilan.
Novantanove maridà fà zento bechi.
Novenbre col ton, l'ano xe bon.
Novenbre e Dicenbre benedisse Setenbre.
Novenbre, co San Martin ano novo par el contadin.
Novo paron, nova leje.
Nuvole in montagna no bagna la canpagna.
O
O basa sto cristo o salta sto fosso.
O dal cao o dala coa l'inverno vol dire la soa.
O magna sta minestra o salta sta finestra.
O prima o dopo se fà anca le zuche.
O tardi o bonora, l'osto va in malora.
Oci e lengua xe le spie de tante malatie.
Oci mori, rubacuori; oci bisi, paradisi; oci celeste fà inamorare; oci bianchi fà cagare.
Ocio celeste, ocio de dama; ocio moro, ocio da putana.
Ocio no vede e boca tase par chi che vol vìvare in pase.
Ocio no vede, cuore no sente.
Odio de preti, vendeta de frati e rogna de ebrei, miserere mei.
Ogni bela scarpa deventa na bruta zavata.
Ogni can mena la coa, ogni mona vol dire la soa.
Ogni dì nasse on cuco.
Ogni fémena xe casta se no la ga chi la cazza.
Ogni galo senza cresta xe on capon, ogni omo senza barba xe on cojon.
Ogni osèlo no conosse el bon gran.
Ogni paese ga le so usanze, ogni porta ga el so batocio.
Ogni piataro dise ben del so pignate.
Ogni Santo juta.
Ogni Santo vole la so candela.
Ogni vin fà alegria se'l se beve in conpagnia.
Omo de confin, o ladro o assassin.
Omo lodà, o morto o scanpà.
Omo maridà, oselo in gabia.
Omo vivo pagarà, omo morto ga pagà.
On alto e on basso fà on gualivo.
On baso, na forbìa: el baso xe nda via.
On bel ciapare fà on bel spèndare.
On bel védare fà on bel crédare.
On bon vèndare fà on bon guadagno.
On legno solo no brusa.
On lièvore fra du can, on contadin fra du avocati, on malà fra du doturi: chi sta pèzo de luri!
On mato fà ridare quatro.
On mulin in aqua e uno in casa.
On ocio ala gata e staltro ala paèla.
On omo in man del'avocato xe come on sorze in boca al gato.
On palo in piè, na stropa domà e na fémena colgà i porta quanto peso che te voi.
On pare mantien sete fioi, sete fioi no xe boni de mantegnere on pare.
On pomo de matina te cava el cataro e te fa pissare ciaro.
On stizo solo no fà banpa.
Onore de boca poco vale e manco costa
Oro bon no ciapa macia.
Osèlo de s-ciapo no xe mai grasso.
Ovo de on'ora, pan de on dì, vin de on ano, dona de quìndese e amigo de trenta.
P
Pan che canta, vin che salta e formajo che pianza.
Pan e nose xe on magnare da spose.
Pan e nosele, magnar da putele.
Pan fin che'l dura, vin a misura.
Pan padovan, vini visentini, tripe trevisane e done veneziane.
Pan, sopressa e conpagnia su 'nte'l bosco fà alegria.
Pan, vin e zoca, lassa pur che'l fioca.
Panza piena vole riposo.
Panza voda camisa tacà.
Par amore no se sente rason.
Par ben lustrare ghe vole ojo de gunbio.
Par el seco xe bona anca la tenpesta.
Par gnente l'orbo no canta.
Par i orbi no xe mai ciaro.
Par i Santi, neve sui canpi; par i Morti, neve sui orti.
Par l'Anunziata el rossignolo so la saca.
Par l'Anunziata la zuca xe nata.
Par on frate scontento no se sara el convento.
Par quanto bone che le sia le madone sta ben sui quadri.
Par San Barnabà el dì pì longo de l'Istà.
Par San Corado vèrzi la porta al caldo.
Par San Damàso el fredo al toca el naso.
Par San Domin sòmena el contadin.
Par San Fredian la neve la va al monte e al pian.
Par San Gioachin, l'ortolan nel camarin.
Par San Lorenzo la nosa xe fata.
Par San Matio le jornade torna indrio.
Par San Paolo el jazo va al diavolo.
Par Sant'Antonin, poca paja e poco vin.
Par Santa Cristina se sòmena la sajina.
Par Santa Fiorenza xe oncora bona la somenza.
Par Santa Pologna la tera la perde la rogna.
Par Santa Taresa prepara la tesa.
Par savere la verità bisogna sentire du busiari.
Par scòndare i difeti basta frequentare conpagnie dela stessa cagà.
Par tuti i Santi, manegoti e guanti.
Par volere savere de tuto se sa anca de mona.
Parché la dona sia perfeta la ga da vére 4 'M': matrona in strada, modesta in cèsa, massara in casa, mata in leto.
Pare che guadagna, fioi che magna.
Parenti mal de denti.
Parere e èssare xe come filare e no tèssare.
Pasqua vegna quando se voia, la vien co la frasca e co la foia.
Pensare e vìvare mèjo chel poco che se vive.
Pèrsego e melon tuto ala so' stajon.
Pesa justo e vendi caro.
Pesse grosso magna pesse picolo.
Pèto picenin, late pegorin.
Pì de veci no se pole vegnere.
Pì in alto se va e pì se mostra el culo.
Picola al balo, grande a cavalo.
Pifania, el pì gran fredo che ghe sia.
Piova d'Istà, beati che che la ga.
Piova de Jenaro, erba de Febraro.
Piova de San Piero, piova col caldiero.
Piova de San Roco la dura poco.
Piova o sole, le strighe va in amore.
Piove pì àneme al'inferno che neve de inverno.
Pitosto che le tarme la magna, xe mejo che i osei la bècola.
Pitosto che roba vanza, crepa panza.
Pitosto che soto paron in nave, mèjo paruni de na sèssola.
Pitosto che spàndarghene on jozo xe mejo bévarghene on pozo.
Pitosto che'l palin, mejo el spazin.
Poco xe mejo de gnente.
Polenta brustolà la smorza el figà.
Polenta e late ingrossa le culate.
Polenta e puina, pì che se core, manco se camina.
Polenta nova e osei de riva, vin de grota e zente viva.
Polenta senza sale, ma on bel viseto sol cavazale.
Pòlvare de Jenaro la inpina el granaro.
Porco ingrassà no xe mai contento.
Povertà co bona testa no finisse, ma richeza senza testa finisse a l'ospedale.
Presto in pescaria, tardi in becaria.
Prete in capela, novità bela.
Prete, dotore e comare, no te ne ingatejare.
Priego a magnare, priego a laorare.
Prima de jutare on estraneo, pènsaghe do volte; prima de jutare on parente, vinti.
Prima de parlare bisogna fare come el galo, che prima de cantare el sbate tre volte le ale.
Prima de parlare, tasi.
Prima se varda el buso, po' se fà el caecio.
Primavera de Jenaro la ruina el persegaro
Primo de Agosto, capo de inverno.
Primo sparagno, primo guadagno.
Puina in ponta, formajo in crosta e salame in coa.
Putei e colunbi insmerda la casa.
Q
Quando a Novenbre el vin no xe pì mosto, la pitona xe pronta par el 'rosto.
Quando a Otobre scurisse e tòna, l'invernada sarà bona.
Quando canbia on prete, tra fare e desfare l'è tuto on laorare.
Quando canta le grole ghemo burasca par tri dì.
Quando ch'el gato dorme i sorzi bala.
Quando ch'el xe tajà e inbastìo ogni cuco ghe va drio.
Quando che l'Anzolo Michele se bagna le ale piove fin a Nadale.
Quando che l'aqua toca el culo tuti inpara a noare.
Quando che l'omo xe pien de vin el te parla anca in latin.
Quando che l'omo xe stimà el pole pissare in leto e dire che'l ga suà.
Quando che la barca va ogni cojon la para.
Quando che la merda monta in scagno, o che la spuza o che la fà dano.
Quando che la spiga ponze, la sardela onze.
Quando che la zuca se ingrossa el pecòlo se seca.
Quando che manca el gran le galine se beca.
Quando che manca i cavai i mussi trota.
Quando che no se pole ciapare el pesse se ciapa le rane.
Quando che piove col sole le strighe fà l'amore.
Quando che piove el dì de San Gorgon, piove par na stajon. (9/9)
Quando che piove i mati se move.
Quando che se sente el ton da calche parte piove.
Quando che te magni la nèspola, pianzi.
Quando che tira vento, ghe xe fredo co ogni tenpo.
Quando che tuti te dise inbriago, va in leto.
Quando che uno sa fare i capèi el pol farli par qualunque testa.
Quando che uno xe inbriago, tuti vol darghe da bévare.
Quando che'l fumo va in tera, burasca se spera.
Quando che'l galo canta zo de ora, doman no xe pì el tenpo de 'sta ora.
Quando che'l pitoco mete le braghe sol leto ghe nasse on fiolo.
Quando che'l Signore vuole castigare uno el ghe manda l'ispirazion o de sposarse, o de torse on musso o on'ostaria.
Quando che'l sole indora, nieve, nieve e nieve oncora.
Quando che'l sole se volta indrio, xe belo anca el dì drio.
Quando che'l sorgo rosso el mostra el muso, xe ora de tore la roca e el fuso.
Quando che'l vin no xe pì mosto, la castagna xe bona a rosto.
Quando che'l zoba xe par via, la 'stimana xe finia.
Quando Dio vol castigar un omo el ghe mete in testa de maridarse.
Quando el merlo canta d'amore Febraro finisse.
Quando el Venda fa el pan, se no piove oncuò piove doman.
Quando el Venda ga el capelo o fa bruto o fa belo.
Quando la canavera fà el penacio, tanta neve e tanto jazzo.
Quando la forza co la rason contrasta, vinze la forza e la rason no basta.
Quando la merda varà calcossa, i poariti nassarà senza buso del culo.
Quando la mojère se mete le braghesse, al marìo no ghe resta che le còtole.
Quando la ràcola canta, piova tanta.
Quando la rosa buta el spin, magna gò e passarin.
Quando le done fa la lissia sola via, l'inverno sbrissa via.
Quando le nuvole va in montagna, ciapa la zapa e va in canpagna.
Quando le nuvole vien dal mare, ciapa i buò e va a arare; quando le nuvole vien dal monte ciapa i buò e va ala corte.
Quando Mercurio insaca Giove, in setimana piove.
Quando piove par la Crose, bon el gran, triste le nose.
Quando ruza el fogo, zente, parente o lengua maldizente.
Quando se travasa se beve.
Quando se vede la raìna se no piove oncuò piove domatina.
Quando semo a San Simon, ogni straza la vien bon.
Quando xe ciara la marina, magna, bivi e va in cusina.
Quando xe ciara la montagna, magna, bivi e va in canpagna.
Quatro a on segon, du a on capon.
Quatro oci vede pì de du.
Quel che Lujo no vole, Setenbre no pole.
Quel che se vede no xe de fede.
Quelo che no sòfega ingrassa.
Quelo che no strangola ingrassa e quelo che no ingrassa passa.
Quelo che no vien dala porta vien da l'orto.
R
Ramo curto vendema longa.
Rechie-meterna, chi che li ga fati se li guerna.
Reve e guseleta mantien la poareta.
Rìdare e vardare xe parente del cojonare.
Risi bianchi, magnar da béchi.
Rispeta el can par el so paron.
Roa roa, tuti a casa soa.
Roba fruà no tien ponto.
Roba rara, roba cara.
Roba robà no fà conpanàdego.
Roba robà, come la vien la va.
Rose e ortighe, mai amighe.
Rossa de pelo, mata par l'osèlo.
Rosso de matina la piova se avizina.
Rosso de matina, o piova o piovesina.
Rosso de pelo, zento diavoli par cavejo.
Rosso de sera bel tenpo se spera.
S
S-ciopo vodo fà paura a du.
Sa pì el papa e on contadin che el papa da elo solo.
Sa volì ca ve lo diga ve lo digo: chi che casca in povertà perde l'amigo.
Sa volì conossare na persona, vardè la dona al balo e l'omo al zogo.
Sa volì védare el diluvio universale, metì dodese preti a tola a magnare.
Saco roto no tien méjo.
Saco vodo no sta in piè.
Sale bagnà ciama piova.
San Bastian ga la viola in man.
San Benedeto ghe ne porta on sacheto. (21/3)
San Biasio, el fredo va adasio.
San Biasio, ultimo barbon marcante de neve. (3/2)
San Bogo, la torta al fogo.
San Colonban el riva co la neve in man. (21/11)
San Gregorion el pole portare on robalton. (3/9)
San Mauro fà i ponti, Sant'Antonio li ronpe, San Paolo li fonda.
San Paolo ciaro inpinisse el granaro. (25/1)
San Paolo San Paolon, tote su la scala e va a bruscare el vegnon.
San Piero benedisse la tenpesta.
San Prodocimo e San Daniele marcanti de neve. (7/11)
San Valentin dal fredo fin, l'erba la mete el dentin. (14/2)
San Valentin, el jazzo no'l tien pì gnanca on gardelin.
San Vidale, marcante de piova. (28/4)
San Vincenzo, gran fredura; San Lorenzo, gran calura: l'uno e l'altro poco i dura.
Sant'Agostin, daghe el primo pontin. (28/8)
Sant'Agostin, taca le màneghe al bustin.
Sant'Antonin el vien lezièro: ormai semo ale asse sia in stala che in granaro. (10/5)
Sant'Antonio Abate se no ghe xe el jazzo el lo fà, se'l ghe xe el lo desfa.
Sant'Antonio Barbon (Abate) marcante de neve.
Sant'Antonio del paneto el vien col segheto. (13/6)
Sant'Antonio se ga inamorà de on porzeleto.
Sant'Omobon, neve o tenpo bon. (13/11)
Sant'Urban pastore de nuvole.
Santa Barbara benedeta, tien distante el fulmine e la saeta. (4/12)
Santa Eulalìa el fredo la porta via. (12/2)
Santa Fosca, se giazo la trova col fuso la scoa; se giazo no la ghe n'à catà, giazo la fà. (13/2)
Santa Giuliana el fredo se rufiana. (16/2)
Santa Giustina dela sgussetina. (7/10/)
Santa Luzzia el fredo cruzzia. (13/12)
Santa Madaléna, onguenti e balsami la ne insegna. (22/7)
Santa Poinara, la vecia (galina) sora la caponara.
Santi che pissa in tera no ghe n'è.
Sbaglia anca el prete a dir messa.
Scarpa larga e goto pien, ciapa le robe come le vien.
Scarpe grosse e marìo bruto, va tranquila dapartuto.
Scarpe vecie sparagna le nove.
Schei de zogo sta on ora par logo.
Schei e amicissia orba la giustissia.
Scherza co i fanti ma assa stare i Santi.
Se 'l dì de San Martin el sole se insaca, vendi el pan e tote la vaca; Se 'l va zo seren, vendi la vaca e tiente el fen. (11/11)
Se a San Medardo piova, dopo quaranta dì rifà la prova. (8/6)
Se ciapa pì mosche co na jozza de miele che co na bota de aseo.
Se Dio no vole, gnanca i Santi pole.
Se el primo tenporale el se sente a vale, bon ano senza tonpesta; se da monte a matina, on ano de ruina; se tona a mezodì o sera, bon ano se spera; se'l primo ton vien dal mantovan, vale pì el saco del pan.
Se fà belo a San Gorgon la vendema va benon.
Se fà fredo a San Luigino, farà caldo a San Paolino. (21/6-22/6)
Se fà spira la man drita, schei da dare; se fà spira la man zanca, schei da tirare.
Se Febraro no verdéga in Aprile no se sega.
Se Giugno sguaza poco vin in taza.
Se i dise male de to fiola, ciama la comare.
Se Jenaro no fà el giazo, Febraro fà el pajazo.
Se l'invidia fusse freve tuto el mondo scotaria.
Se l'invidia fusse rogna, quanti che se gratarìa.
Se la galina tasesse, nissun savarìa che la ga fato l'ovo.
Se la luna fa on gran ciaro, poco fromento e tanto pajaro.
Se la luna xe in colore el canego more.
Se le parole paghesse dazio, sarìa on afar serio.
Se Majo fà fresco va ben la fava e anca el formento.
Se Majo rasserena, ogni spiga sarà piena.
Se Marzo buta erba Aprile buta merda.
Se Marzo no incodega, a Majo no se sega.
Se Marzo resenta, fromento e polenta.
Se mi dormo, dormo a mi; sa laoro no sò a chi.
Se na dona xe bela, partorisse na putela.
Se Nadale vien senza luna, chi ga do vache se ne magna una.
Se no fa caldo a Lujo e Agosto sarà tristo el mosto.
Se no ghe fusse la cola e 'l stuco el marangon sarìa distruto.
Se no piove a San Medardo piove a San Gervasio. (19/6)
Se no piove so l'olivela piove so la brazadela.
Se no te caghi te cagarè, se no te pissi te creparè.
Se no te me vidi de San Giusepe patriarca, o che son perso o che son in aqua. (19/3)
Se no te scota, no ocore supiarghe su.
Se Otobre camina lento te pol èssare contento.
Se par Setenbre no te ghe arà, tuto l'ano xe malandà.
Se piove a Pentecoste, tute le entrate no le xe nostre.
Se piove a San Bàrnaba la ua bianca la va via; se piove da matina a sera, va via la bianca e anca la nera. (11/6)
Se piove a San Duane se suga le fontane.
Se piove a San Giorgio ghe sarà carestia de fighi. (23/4)
Se piove a San Gregorion, piove tuta la stajon. (3/9)
Se piove a San Paolo e Piero, piove par on ano intièro. (29/6)
Se piove a San Vito e Modesto, la ua va torla col zesto. (15/6)
Se piove a Sant'Ana, la xe na mana.
Se piove a Sant'Urban ogni spiga perde on gran.
Se piove a Santa Bibiana, piove par quaranta dì e 'na setimana.
Se piove a Santa Desiderata, casca la ua e resta la grata. (14/6)
Se piove ai primi de Majo, nose e fighi fà bon viajo.
Se piove ai quaranta Santi, aqua par altretanti.
Se piove da la Madona, la xe oncora bona.
Se piove de San Duane, fen e paja deventa loame.
Se piove de San Gorgon, sete brentane e on brentanon.
Se piove el dì de San Gorgonio, autuno demonio.
Se piove el dì de Santa Crose el fà cascare le nose.
Se piove par San Vio al vin còreghe drio.
Se piove sole Palme no piove sui ovi.
Se piove sui cavajuni, bondanza de galine e ovi.
Se San Michele no se bagna le ale, farà belo fin a Nadale.
Se San Michele se bagna le ale, piove fin a Nadale.
Se Sant'Antonio fa el ponte, San Paolo lo ronpe.
Se te ghe na bruta mojere, va in leto al scuro.
Se te ghe poco vin, véndite anca el tin.
Se te voi catare on fiore no sta témare el spin.
Se tuti i basi fusse busi, tuti i musi sarìa sbusi.
Se tuti i bechi portasse on lanpion, che gran iluminazion.
Se uno vole che l'amicizia se mantegna, che na sporta vaga e 'staltra vegna.
Se va ben la matina, tuto el dì ben camina.
Se varda on sbaro de erba: se pol vardare anca na persona piena de merda.
Se vènta ai tri de Marzo e al dì de San Gregorio, vènta par quaranta dì. (12/3)
Se vento no tra, fredo no fà.
Se'l tona el dì de San Duane, le cuche va sbuse e le nosèle vane. (24/6)
Semo tuti fradei in Cristo, ma no in pignata.
Senpre stenta chi no se contenta.
Senza ojo el lume se stua.
Senza schei no se spende, senza laoro se dipende.
Senza spie no ce ciapa ladri.
Senza stola no se confessa, senza schei no se canta messa.
Sete òmani no mena drento col caro quanto che na fémena la porta fora co la traversa.
Sfogo de pele, salute de buele.
Sia da cavalo che da mulo sta tri passi lontan dal culo.
Signore, fà ca no sia beco; se ghe so', fà ca no lo sapia; se lo sò, fà ca no ghe bada.
Sola boca dela zente se ghe riva fassilmente.
Sola vita de on omo che'l sia on omo ghe xe senpre almanco na ostaria.
Sole de vero porta al zimitero.
Sole de vero e aria de fessura porta ala sepoltura.
Soto la neve, pan; soto l'aqua, paltan.
Spendi la moneda par quelo che la vale.
Stajon de erba, stajon de merda.
Starna setenbrina, una la sera e una la matina.
Stele fisse ciama piova.
Stimar la roba in erba l'è on stimar de merda.
Stropa longa, inverno longo; stropa curta, inverno curto.
Suòre de stradin e grasso de mussolin guarisse tuti i mali.
Suta de Agosto, tonpesta de Majo.
Svodà la scudela, tuti ghe spua dentro.
T
Tacà a on ciodo, ma vivo.
Tajo largo, sega streta.
Tante nosèle, tanta neve.
Tanti can mazza on lovo e on solo can baja a la luna.
Tanti paìsi e tante usanze, tante teste e tante panze.
Tanto toca a chi roba come a chi che tien el saco.
Tanto xe marcante quelo che guadagna che quelo che perde.
Tenca de Majo e luzo de Setenbre.
Tèndare le tose e bàtare le nose xe tenpo perso.
Tenpo e paja fà fare i néspoli.
Tenpo, done e siuri i fà come che i vole luri.
Tera negra fà bon fruto, tera bianca guasta tuto.
Testa de musso no se pela mai.
Tien on ocio al pesse e 'nantro al gato.
Tira depì on pelo de mona che on paro de buò.
Togno fà la roba, el sior Toni la gode, el conte Antonio la magna.
Tore el ben quando el vien.
Toso tanto studiso, toso poco amoroso.
Tra arte e busia se vende la marcanzia.
Tra i pessi on bel ronbeto, tra i quadrupedi el porcheto.
Tra i poariti se lega, tra i siuri se se frega.
Tra verità e busìa se vende la marcanzia.
Tre burane fà na piova.
Tre cosse ghe vol par farse siori: o robar, o trovar, o ereditar.
Tre fémene? Una viva, una morta, una inpiturìa de drio la porta.
Tre volte bon fà mona
Tri ani dura on sieve, tri sieve dura on can, tri can dura on cavalo.
Tri calighi fà na piova, tre piove na brentana e tri festini na putana.
Tri mussi e on vilan fà quatro bestie.
Tripe de merda parché l'osto no ghe perda.
Trista chela bestia che no para via le mosche co' la so coa.
Tronba de culo, sanità de corpo.
Troti de musso e salti de vecio dura poco.
Tute le robe storte le fà drite la morte.
Tute le scarpe no va ben 'ntel stesso piè
Tuti ga el so toco de invidia.
Tuti ga la so ora de mona.
Tuti gode a védare i mati in piazza, pur che no i sia dela so razza.
Tuti i mati no ronpe i piati.
Tuti i mistieri fà le spese.
Tuti i ossi torna al so logo.
Tuti i stronzi fuma.
Tuti nasse pianzendo, nissun more ridendo.
Tuti quanti semo mati par chel buso ca semo nati.
Tuti semo fioi de Adamo.
Tuti va al molin col so saco.
Tuto finisse, via che l'invidia.
Tuto ga fine.
Tuto se justa, fora che l'osso del colo.
Tuto va e vien e gnente se mantien.
U
Uno no fà canpion.
Uno roba la polpa e 'staltro ciapa la colpa.
V
Va' in leto co le galine e lèvate quando che canta el galo.
Vale depì na candela davanti che on candeloto de drio.
Vale depì on gran de pévaro che on stronzo de musso.
Vale depì on no co creanza che on sì vilan.
Vale depì on'ora de alegria che zento de malinconia.
Vale depì uno a fare che zento a comandare.
Vardarse da quei che parla coi oci bassi e da quei che ride senpre.
Vàrdate da l'omo che porta el recin e dala dona che sa de latin.
Vàrdate da prete, contadin, da comare vizin e da aqua par confin.
Vàrdate dal culo del mulo, dal dente del can e da chi che tien la corona in man.
Vàrdate dala bubana.
Vàrdate dala volpe e dal tasso e da chi che varda in basso.
Vedendo uno te lo conossi mezo, co' 'l parla te lo conossi tuto.
Veleta e capelo fà el viso belo.
Vento che sùbia e fogo de paja sbala presto.
Vento de Majo, poco tormento.
Vesti na fassina e la pare na regina.
Via el dente, via el dolore.
Vin de fiasco: ala sera bon, ala matina guasto.
Vin novo, braghe leste.
Vin vecio e dona zòvane.
Vin, done e maroni bisogna gòdarli so' la so stajon.
Vinti munari, vinti sartori e vinti osti fà sessanta ladri.
Viso belo pare bon co qualunque capelo.
Viva el caro parente, ma guai se no'l ga assà gnente.
Voja o no voja, Pasqua fà foja.
Volta i cai dopo na piova.
Voltà el canton, passà la passion.
Vòltate indrio e te ghe ne vedarè de pezo.
X
Xe inutile cargare el s'ciopo senza balini.
Xe inutile fermare el treno col culo.
Xe mejo 'vere el capelo a busi che le scarpe a tochi.
Xe mejo avere sete busi in testa che sete piati de minestra.
Xe mèjo cavarse on ocio che magnare el vermo del fenocio.
Xe mèjo èssare bechi e ver da becare che no èssare bechi e no ver da magnare.
Xe mèjo fruare scarpe che nezuoi.
Xe mejo 'ndare in paradiso strazà che al'inferno co l'abito ricamà.
Xe mèjo on "to" che zento "te darò".
Xe mèjo on mòcolo che 'ndare in leto al scuro.
Xe mèjo oselo de bosco che de gabia.
Xe mèjo polenta in casa soa che rosto in casa di' altri.
Xe mèjo sbrissare co' i piè che co la lengua.
Xe mèjo suàre che tossire.
Xe on bravo can el can che furfa par elo.
Xe par la boca che se scalda el forno.
Xe pì fadiga far la guardia a na fémena che a on saco de polde
Xe pì fadiga tasére che parlare.
Xe pì le done che varda i òmani che le stele che varda la tera.
Z
Zapa sposa baile.
Zena longa, vita curta; zena curta, vita longa.
Zercio de luna, se no piove piovesina.
Zuca santa che la canta e baruca che la sia muta.
Zuche e fen int'on mese i vien.
Fonte: lista di proverbi curata da Renato Trevisan, da LINGUA VENETA
Link: http://www.linguaveneta.it/proverbi.asp
Nessun commento:
Posta un commento