Na copia veneta la decide de passare le ferie ai Carabi, ne lo steso albergo dove ì xera 'ndati in viajo de nosse 20 anni prima, ma par problemi de lavoro la mojer no poe partire col mario e a rivera' dopo un pochi de giorni
Quando l’omo riva, el và dentro ne a camera dell’hotel el vede che ghe ze un compiuter co internet. El decide de mandarghe na mail a so mojer, ma el sbaglia indirisso e sensa valerlo la manda da neltra parte.
A mail a vien ricevua da na vedova che xera pena rientrà dal funerae de so marìo e che a decide de vedere i messagi ricevui de cordoglio.
EI fioeo de a vedova pena rivà casa el trova so mama svenua davanti al compiuter e, sol video, el vede a mail che a gaveva pena leto.
«Cara sposa, so rivà. Tuto ben. Probabilmente te sarè sorpresa de ricevere me notissie via mail, ma anca qua adesso i ga el compiuter par mandare i messaggi ae persone care. Pena che so rivà me so assicurà che fosse tuto a posto anca par ti par quando te rivarè venere che vien. No vedo l'ora de vederte e spero che el to viajo sia tranquio come el mio.»
«N.B. No sta portarte tanti vestiti parchè qua fa un caldo Infernale.»
El to caro marìo
Nessun commento:
Posta un commento