Vicentini, Veronesi, Veneti svejeve! i ve sta toendo in giro, scolteme.
Ve do tre boni motivi per non bevera lo spriss.
Par prima roba lo spriss se na fregada ( ciavada, in dialeto): i ghe mete el novanta per sento de acqua, el diese par sento de aperitivo e de vin gnanca na s-cianta!
Ma teo paghi de pi de un bon goto de vin s-ceto.
Par seconda roba lo spriss se na bevanda da democristiani: nol se ne' acqua ne' vin, ne' bon ne' cativo, ne' de destra ne' de sinistra, democristian insoma.
Par tersa roba lo sprissel se' anca crucco: spriss in tedesco vol dir sprusso.
Sprusso de vin in un bicieron de acqua.
Che i se lo beva a casa lori sto mis-cioto, che mi preferisso un bon bicier de vin san.
Non so voialtri, ma mi na ciavada crucca e democristiana non la voio gnanca a gratis, figureve se ghe devo anca darghe schei.
Ghin go sa ciapa' anca massa de ciavade, che almanco par el bevare me rangio da solo.
Ma mi digo: secondo voialtri, se' posibile ch'el nostro signor el ne gabia da' na roba cositta bona come el vin par rovinarla co l'acqua e co quea specie de colorante disavio che i lo ciama aperitivo?
Xe posibile secondo voialtri?
A saria come far na discoteca dentro la Basilica Palladiana, o sugar a golf al Romeo Menti, o peso ancora andare a ciavar in Sala Bernarda!
Va ben che el nome se compagna, va be' che la dentro i ne da de quele ciavade che non finisse altro a noialtri che paghemo le tasse, paro' bisogna esser seri: ogni roba la ga' el proprio uso.
E l'uso del vin se' de berlo s-ceto, de gustarne l'aroma, de snasarne el profumo, de saiarlo con un tramesin se te ghe' fame, ma non de misciarlo con le porcherie!
Par carita'. No ste' misciar el sacro con la cinafrusaglia.
Bevi' un fia' de manco, ma bevi' roba bona, almanco.
Desso ve saludo che go' da ndare. Ghe xe gli amissi che me speta al bar qua soto per farse il goto de un boto: de vin?
No!, se bevo un bicier de vin s-cieto a stomego vodo me imbriago subito e non digerisso altro.
Mejo on sprisetto, magari co do saladini e do olivete che le me piase tanto...
Porca vaca!!!…..
Fonte: Raixe venete
Nessun commento:
Posta un commento