V.I.P.: VERY IMPORTANT PAPÀ

V.I.P.:   VERY IMPORTANT PAPÀ

MODELLO MILITEASSENTE AUTOMONITO  «E IO PAGO»

SPECIALISTA IN: BOLLETTE ACQUA, LUCE,  GAS, TELEFONO, TASSE, ASSICURAZIONI, DOG SITTER, CUCINIERE E BADANTAGGI VARI

DESIDERI PARTICOLARI: VULESSE TRUVÀ PACE!!! 

(e qualche volta il telefono  e il telecomando libero)

PER POTER LEGGERE IN SANTA PACE, IN POLTRONA E PANTOFOLE

    

IO VULESSE TRUVA' PACE

(di Eduardo De Filippo)

.

Io vulesse truvà pace;

ma na pace senza morte.

Una, mmieze'a tanta porte,

s'arapesse pe' campa'!

.

S'arapesse na matina,

na matin' 'e primavera,

e arrivasse fin' 'a sera

senza dì: 'nzerràte llà!

.

Senza sentere cchiù 'a ggente

ca te dice: io faccio...,io dico,

senza sentere l'amico

ca te vene a cunziglia'.

.

Senza senter' 'a famiglia

ca te dice: Ma ch' 'e fatto?

Senza scennere cchiù a patto

c' 'a cuscienza e 'a dignita'.

.

Senza leggere 'o giurnale...

'a nutizia impressionante,

ch'è nu guaio pe' tutte quante

e nun tiene che ce fa'.

.

Senza sentere 'o duttore

ca te spiega a malatia..

'a ricett' in farmacia...

l'onorario ch' 'e 'a pava'.

.

Senza sentere stu core

ca te parla 'e Cuncettina,

Rita, Brigida, Nannina...

Chesta sì...Chell'ata no.

.

Pecchè, insomma, si vuo' pace

e nun sentere cchiu' niente,

'e 'a spera' ca sulamente

ven' 'a morte a te piglia'?

.

Io vulesse truva' pace

ma na pace senza morte.

Una, mmiez' 'a tanta porte

s'arapesse pe' campa'!

.

S'arapesse na matina,

na matin' 'e primavera,

e arrivasse fin' 'a sera

senza di': nzerràte lla'!

.

(Eduardo de Filippo)