Se fusse ditator in sta città
una gran cossa mi vorria coreta;
levada questa, la sittà zè neta
come la giera sinquantanni fa.
La cossa che el paese ha rovinà
ch’el publico e ‘l privato ognora infeta
zè la dona, la dona assai scoreta
quanto zè un pelaton (puledro indomito) caldo e sbocà.
Onestà, patrie legi e religion,
sta dona s’ha petà su le culate,
par viver da Madama Scavezzon (alla scavezzacollo).
Par frenarla vuria che fusse fate
a San Servolo (manicomio) certe abitazion
e la mi mandarave le più mate.
O casete adorate,
o San Servolo, santo taumaturgo,
vu sol saressi de Venezia el purgo.
Angelo Maria Labia
Nessun commento:
Posta un commento